Hagit sa mga Miyembro

March 16, 2015

Minahal na Katambayayong,

Marajaw na adlaw sa imo. Hinaut pa unta na an grasya sa Diyos namilis-bilis sa imo kinabuhi kuman.

Sa pagpadajon nan ato mga kalihokan sa TMI kuman na tuig sanan sa sumunod, nanginahanglan kita nan igo na pondo para matuman ta an ato mga damgo na kalamboan para sa Mainit.

Ini na pondo , isipon ta na ato “pang-kati” sa umaabot na mga grasya gikan sa mga lain-laing mga tuburan nan pondo singud nan mga donasyon (pinaagi pananglitan sa crowdfunding sa internet)nan ato mga kapamilya, higaya, o lain-lain na mga tawo sa tibook kalibutan na nagdasig sanan gusto moambit sa ato mga tumong.

Inin tanan na pondo gamiton ta sa pag-ugmad nan ato mga tinguha. Amo ini an ato gastuhon para sa ato scholarship program, programa sa mga senior citizens, computer lab program, programa sa mga bata, mga kababajehan , sanan sa ato mga programa para sa pag-amping sa ato kinaijahan o palibot sa Mainit.

Kuman na klaro na kun sin-o an mga miyembro nan ato organisasyon, ako kamo tagsa-tagsa na hangjoon sanan hagiton, na kumpletuhon ta an ato membership fee sugod kuman na tuig. An ato kalkulasyon kon kada isa mobayad sa ija membership fee, moabot an ato pondo sa P80,000 kada tuig gikan sa ra sa ato membership fee.

An amot nan kada isa, SAGRADO, kay ijo man hinaguan o hinuyasan. Kon buot huna-hunaon ini na amot hapit mahitupong an ka-importante sa amot sa simbahan. Nagsalig ako, na an mga kalihokan nan TMI, kinahimut-an sa Diyos kay para man sa kalamboan nan katilingban, para sa karajawan nan Ija katawhan.

Kay sagrado man, ini na pondo gamiton lamang sa mga kalihokan o proyekto na tag-isipan pagdajaw bag-o imugna. Magpasalig an TMI na wayay isa o pipila ka mga miyembro o opisyales na personal na magpuyos nan ini na pondo. Para ini sa katilingban.

Palihug ipasa an ijo amot sa ato Tresurero, Mark Mosca. Kada tuig an ato membership fee mokabat sa P300 sa Pilipinas o $120 sa gawas. Puydi sab ini ihatag miti-miti, tuyo ka-bayaran bag-o mahuman an tuig. Puydi sab nijo daku-dakoan an ijo amot sigun sa pagkatandog an ijo kasing-kasing para sa Mainit.

Palihug isab pagpadumdum sa ato mga kaiban na miyembro na nahikalimot.

Salamat sa imo minahal na Maianitnon, katambayayong kanunay. Mabuhi an TMI.

JR Gatpolintan
TMI President
Pinalujuhan nan tanan miyembro nan Board of Trustees